Асуух зүйл байна уу?


Асуух зүйл байна уу зурган дээр дарж мэдээлэл лавлагааны ажилтантай холбогдон асууна уу

Хамгийн тохиромжтой хөтөч

Эрхэм хэрэглэгч Та манай сайтыг алдаагүй зөв үзье гэвэл Mozilla Firefox тохиромжтой. Хэрвээ татаж авах бол дээрх зурган дээр дарна уу.

Цаг хугацаа өнгөрсөөр л...

Санал хүсэлт илгээх

Таны мэйл хаяг
Гарчиг
Текст

Санал асуулга

Шүүхээр үйлчлүүлэхэд шаардлагатай мэдээллийг Та авч чадаж байна уу?
 
Томилолтоор ажиллах хүсэлтэй шүүгчдийн анхааралд PDF  | Print |  E-mail
Monday, 13 November 2017 09:30

Хан-Уул дүүргийн Иргэний хэргийн анхан шатны шүүх, Төв аймаг дахь сум дундын эрүүгийн хэргийн анхан шатны шүүх, Дархан-Уул аймаг дахь сум дундын иргэний хэргийн анхан шатны шүүхийн Ерөнхий шүүгчдээс "Шүүгч томилолтоор ажиллах нийтлэг журам”-ын 2.2.1, 2.2.4-т заасны дагуу шүүгч томилолтоор авч ажиллуулах саналаа Шүүхийн ерөнхий зөвлөлд ирүүлсэн байна.

Иймд тус шүүхүүдэд томилолтоор ажиллах хүсэлтэй шүүгчид 2017 оны 11 дүгээр 09-ний өдрөөс 11 дүгээр сарын 15-ны өдрийг дуустал хугацаанд Шүүхийн хүний нөөцийн газарт хүсэлтээ ирүүлнэ үү.

Томилолтоор ажиллах шүүгч тухайн шүүх байрлах орон нутагт амьдрах орон сууцаа өөрөө хариуцах бөгөөд "Шүүгч томилолтоор ажиллах нийтлэг журам”-ын дагуу шүүгчийн ирэх, буцах нэг удаагийн замын зардлыг Шүүхийн ерөнхий зөвлөл олгоно /Гэр бүлийн гишүүд хамаарахгүй/. Шүүгч томилолтоор ажиллах хугацаанд томилолтын зардал олгохгүй бөгөөд түүний цалин хөлс, бусад олговрыг томилогдсон шүүхийн тамгын газар хариуцна.

Томилолтоор ажиллах хүсэлтэй шүүгч дараах материалыг бүрдүүлнэ:

1.Томилолтоор ажиллах тухай өөрийн хүсэлт /томилолтоор ажиллах шүүх, хугацааг заавал дурдах/,

2.Тухайн шүүхийн Ерөнхий шүүгчийн санал,

3.Тухайн шүүгчийн сүүлийн гурван жилийн шүүн таслах ажиллагааны тайлан мэдээ,

4.Ашиг сонирхлын зөрчилгүй гэдгээ илэрхийлэх, зөрчил үүссэн тухай мэдэгдэл/маягтыг энд дарж татаж авна уу/,

 

Томилолтоор ажиллахтай холбоотой асуудлаар Шүүхийн хүний нөөцийн газрын референт С.Алтанхуяг /70008034, 96343305/-аас тодруулна уу.

 

 

ШҮҮХИЙН ЕРӨНХИЙ ЗӨВЛӨЛ

 
Монгол хүний амь нас автомашинаас ч хямд PDF  | Print |  E-mail
Monday, 13 November 2017 09:28

Монгол хүний амь нас автомашинаас ч хямд

Ихэнх орон сэтгэл санааны хохирлыг тусад нь тооцож, үнэлдэг тогтолцоонд шилжжээ


Иргэн О-г 2005 оны гуравдугаар сарын 18-наас 2013 оны гуравдугаар сарын 27 хүртэлх найман жил, нэг сар, 12 хоногийн хугацаанд онц хүнд, хүндэвтэр гэмт хэргүүдэд холбогдуулан шалгажээ. Энэ хугацаанд нийт 276 хоног эрх чөлөөг нь хязгаарлан түүнийг цагдан хорьсон байдаг. Гэвч хожим хууль бусаар эрүүгийн хэрэгт шалгагдсан болох нь тогтоогдсон. Улмаар Хүний эрхийн үндэсний комисс иргэн О-г төлөөлөн, хууль бусаар эрүүгийн хэрэгт шалгагдсаны улмаас учирсан хохирлыг нөхөн төлүүлэх тухай нэхэмжлэлийг Хэнтий аймгийн сум дундын шүүхэд гаргасан юм. Шүүх Засгийн газрын нөөц сангаас 24 сая төгрөг гаргуулж, иргэн О-д олгохоор шийдвэрлэсэн. Товчхондоо, найман жил гаруйн хугацаанд эрүүгийн хэрэгт хууль бусаар шалгагдсан иргэн О-д учирсан бүхий л төрлийн хохирлыг төр 24 сая төгрөгөөр үнэлсэн нь энэ. Иргэн О-д тохиолдсон явдлаар хязгаарлагдахгүй ийм төрлийн хэрэг Монгол Улсад гарсаар байдаг. Хүний эрхийн үндэсний комиссоос жил бүр гаргадаг Монгол Улс дахь хүний эрх, эрх чөлөөний байдлын илтгэлд та, бидний амьдралд тохиолдож буй ийм бодит "кейсүүдийг” дурдсан байдаг. Нэг талаар төр өөрийн буруугаа хүлээн зөвшөөрч, гэмээ цайруулж буй үзэгдэл боловч нөгөө талдаа хүний амь нас, эрүүл мэнд, сэтгэл санааны хохирлыг үнэгүйдүүлж буйн тод жишээ юм. Хэдийгээр ийнхүү хохирлыг нь мөнгөн хэлбэрээр үнэлж, барагдуулж буй мэт боловч анзаарч үзвэл учир дутагдалтай асуудлууд энд бий. Учир нь Монгол Улс сэтгэл санааны хохирлыг амь нас, эрүүл мэнд болон эд хөрөнгөд учирсан хохиролтой хамтад нь тооцож олгодог. Өөрөөр хэлбэл, сэтгэл санааны хохирлыг "дагалдах хэрэгсэл” болгожээ. Гэтэл дэлхийн ихэнх орон сэтгэл санааны хохирлыг тусад нь тооцож, үнэлдэг тогтолцоонд шилжжээ. Тухайлбал, БНСУ-д сэтгэл санааны хохирлыг тооцох тусгай аргачлалтай. БНСУ-д хохирогчид сэтгэл санааны хохирлын нөхөн төлбөр олгоод зогсохгүй хохирогчийн гэр бүлийн гишүүн бүрт нь тооцож өгдөг байна. Өөрөөр хэлбэл, хохирогчид үүссэн сэтгэл санааны тавгүй байдал гэр бүлийн гишүүдэд нөлөөлдөг хэмээн үзжээ. Гэтэл өнөөдрийн байдлаар манай улсад нийгмээс ирэх сэтгэл зүйн дайралт, дарамтыг хэрхэн тэсвэрлэж, нэр алдар, бие эрхтэнд учирсан хохирлоо яаж барагдуулах нь тодорхойгүй байна. Гэмт хэрэг хийсэн этгээд хуулиараа ял авах нь ойлгомжтой ч хохирогчийн амссан сэтгэл санааны хохирлыг барагдуулах нь бүү хэл, үнэлэх эрх зүйн зохицуулалт манай улсад байхгүй гэхэд болно.

Read more...
 
“55” НАСАНД ХҮРСЭН ШҮҮГЧ ӨӨРӨӨ ХҮСВЭЛ ӨНДӨР НАСНЫ ТЭТГЭВРЭЭ ТОГТООЛГОЖ БОЛНО PDF  | Print |  E-mail
Monday, 13 November 2017 08:47

Улсын Их Хурлаас 2012 онд баталсан Шүүгчийн эрх зүйн байдлын тухай хуулийн 24 дүгээр зүйлийн 24.6-д "Тавин таван насанд хүрсэн шүүгч өөрөө хүсвэл өндөр насны тэтгэврээ тогтоолгож болно.”, 24.7-д "Шүүгчээр нийт 25 жил ажилласан шүүгч өөрөө хүсвэл өндөр насны тэтгэвэр тогтоолгож болно.” гэж заасан.

Гэтэл Нийгмийн даатгалын байгууллагаас "1994 онд батлагдсан Нийгмийн даатгалын сангаас олгох тэтгэвэр, тэтгэмжийн тухай хуулийн 4 дүгээр зүйлийн 4.1 дэх хэсэгт даатгуулагч нь нийтдээ 20-иос доошгүй жил тэтгэврийн даатгалын шимтгэл төлсөн бөгөөд 60 нас хүрсэн бол өндөр насны тэтгэвэр тогтоолгон авах эрхтэй гэсэн заалттай Шүүгчийн эрх зүйн байдлын тухай хуулийн 24 дүгээр зүйлийн 24.6, 24.7 дахь хэсэг зөрчилдөж уялдахгүй байна” гэдэг үндэслэлээр Шүүгчийн эрх зүйн байдлын тухай хуулийн дээрх заалт хэрэгжихгүй, шүүгчдийн тэтгэвэр тогтоолгох эрх зөрчигдөж байсан юм.

Шүүгчийн албан тушаалд ажиллаж байсан хуульч Ц.Батмөнх энэ шалтгаанаар тэтгэврээ тогтоолгож чадаагүйн улмаас захиргааны хэргийн шүүхэд хандаж, хяналтын шатны шүүхийн шийдвэр эцэслэн гарчээ.

Ц.Батмөнхийн нэхэмжлэлтэй захиргааны хэргийг шийдвэрлэсэн Улсын Дээд шүүхийн 229 дүгээр тогтоолд "...Нийгмийн даатгалын сангаас олгох тэтгэвэр, тэтгэмжийн тухай хуулийн 4 дүгээр зүйлийн 1-д заасан "...60 нас хүрсэн бол” гэх нөхцөл нь хуульд заасан зарим тохиолдолд "өөр байж болох”-оор заасан, даатгуулагч "өөрөө хүссэн” тохиолдолд "50 нас”, "55 нас”-наас эсхүл нас харгалзахгүй өндөр насны тэтгэвэр тогтоох хуулийн заалтын агуулга нь даатгуулагчийн эрх зүйн байдлыг дээрдүүлэх, иргэний эрхийг хангах агуулгатай байх тул материаллаг бусад хуулиар эрх нь нээгдсэн даатгуулагчийн "өөрөө хүсвэл тэтгэвэр тогтоолгох” эрхийг Нийгмийн даатгалын сангаас олгох тэтгэвэр, тэтгэмжийн тухай хуулиар "хориглогдсон” гэж үзэхгүй, өндөр насны тэтгэвэр тогтоох харилцаа, үйл ажиллагааг журамласан процессийн хуулиар материаллаг хуулиар иргэнд олгогдсон эрхийг үгүйсгэх боломжгүй юм. Иймд хариуцагчийн хяналтын журмаар гаргасан "...шүүх хуулийн заалтыг буруу ойлгож хэрэглэсэн” гэх гомдол үндэслэлгүй байна гэж үзлээ” хэмээн шийдвэрлэжээ.

Эрх зүйн маргааныг эцэслэн шийдвэрлэдэг Улсын дээд шүүх шийдвэртээ "Нийгмийн даатгалын сангаас олгох тэтгэвэр, тэтгэмжийн тухай хуулийг процессын шинжтэй хууль бөгөөд шүүгчийн албан тушаал эрхэлж байгаа төрийн албан хаагчийн эрх зүйн байдлыг нарийвчлан зохицуулсан материаллаг хууль болох Шүүгчийн эрх зүйн байдлын тухай хуулиар иргэнд олгогдсон эрхийг процессийн хуулиар үгүйсгэх боломжгүй” гэж тайлбарласан байх тул Шүүгчийн эрх зүйн байдлын тухай хуульд зааснаар тавин таван насанд хүрсэн шүүгч өөрөө хүсвэл өндөр насны тэтгэвэр тогтоолгох эрх нээгдлээ.

 
Шүүхийн тамгын газраас орон нутгийн телевизүүдэд мэдээлэл хийлээ PDF  | Print |  E-mail
Thursday, 09 November 2017 09:44

Орхон аймаг дахь Шүүхийн тамгын газрын Програм хангамж, хэвлэл мэдээлэл, сургалт сурталчилгаа, олон нийттэй харилцах асуудал хариуцсан комиссын төлөвлөгөөнд тусгагдсаны дагуу Орхон аймгийн Эрүүгийн хэргийн анхан шатны шүүхийн шүүгчийн туслах Х.Наранцацрал Орхон аймаг дахь Сум дундын Эрүүгийн хэргийн анхан шатны шүүхийн 2017 оны 3 дугаар улирлын байдлаар шийдвэрлэсэн хэргийн дүн мэдээг орон нутгийн Номин, Мэдээллийн бирж, Тэнгэр телевизүүдээр дамжуулан олон нийтэд мэдээлэл хийлээ.

 

Мэдээллийн явцад өмнөх оны мөн үеийнхтэй харьцуулахад эрүүгийн хэргийн шийдвэрлэлтийн тоо өссөныг онцолсон юм. Энэ нь 2002 оны Эрүүгийн болон Эрүүгийн байцаан шийтгэх хуулиар хөнгөн гэмт хэрэг үйлдсэн хүнийг "хохирогч яллагдагч шүүгдэгчтэй эвлэрсэн үндэслэлээр шүүхийн өмнөх болон шүүхийн шатанд эрүүгийн хариуцлагаас чөлөөлдөг байсан эрх зүйн зохицуулалт шинээр батлагдсан Эрүүгийн хууль, Эрүүгийн хэрэг хянан шийдвэрлэх тухай хуулиар үйлчлэхгүй болсноор шүүхээр шийдвэрлэгдэж байгаа хэргийн тоо эрс өссөн.


Мөн тус шүүхийн хэмжээнд хянан шийдвэрлэгдсэн хэргийн дийлэнх хувийг хүний биед хөнгөн хохирол санаатай учруулах гэмт хэрэг эзэлж байгаа талаар тус тус мэдээлэл хийлээ

 
Шүүгчид хараат бус байдалд нөлөөлсөн этгээдэд хариуцлага тооцохоор боллоо PDF  | Print |  E-mail
Thursday, 09 November 2017 09:43

Шүүгчид хараат бус байдалд нөлөөлсөн этгээдэд хариуцлага тооцохоор боллоо

Төрийн тусгай хамгаалалтын газрын хамгаалалтын албаны хамгаалагч П.Мөнх-Оргилд шүүгчийн хараат бус байдалд нөлөөлөхийг оролдсон үндэслэлээр Зөрчлийн тухай хуулийн 15 дугаар зүйлийн 15.4 дэх хэсэгт заасны дагуу хариуцлага тооцохоор боллоо.


Нийслэл дэх захиргааны хэргийн анхан шатны шүүхийн шүүгч Байгаль орчин, аялал жуулчлалын яаманд баримт бичгийн үзлэг хийх болсон талаар урьдчилж мэдэгдсэний дагуу 2017 оны аравдугаар сарын 27-нд очиход хамгаалалтын албаны хамгаалагч П.Мөнх-Оргил "зөвшөөрөл аваагүй” үндэслэлээр яамны байранд нэвтрүүлээгүй аж.


Шүүгчийн эрх зүйн байдлын тухай хуулийн 21 дүгээр зүйлийн 21.1 дэх хэсэгт "...Ерөнхийлөгч, Улсын Их Хурлын дарга, Ерөнхий сайд, Улсын Их Хурлын гишүүн болон Засгийн газрын гишүүн, төрийн болон нутгийн өөрөө удирдах байгууллага, төрийн бус аливаа байгууллага албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцох, нөлөөлөхийг хориглоно” гэж заасан байдаг.


Мөн Захиргааны хэрэг шүүхэд хянан шийдвэрлэх тухай хуулийн 32 дугаар зүйлийн 32.2 дахь хэсэгт "Захиргааны хэргийн шүүх хэрэг хянан шийдвэрлэхэд ач холбогдол бүхий нотлох баримтыг байгууллага, албан тушаалтан, хүнээс гаргаж өгөхийг шаардах эрхтэй бөгөөд холбогдох этгээд шаардлагыг биелүүлэх үүрэгтэй.”, 38 дугаар зүйлийн 38.3 дахь хэсэгт "Бичмэл нотлох баримтыг шаардан авахад бэрхшээлтэй байвал ... түүний хадгалагдаж байгаа газарт нь шүүх үзлэг явуулна” гэж заасны дагуу аливаа төрийн байгууллага, албан тушаалтан шүүгчийг нэвтрүүлэх, үзлэг хийх боломжоор хангах үүрэгтэй.


Мөн Шүүхийн ерөнхий зөвлөлөөс холбогдох байгууллагуудад дахин ийм зөрчил гаргахгүй байхыг сануулж, албан бичиг хүргүүлжээ.

 

 

 

ШҮҮГЧИЙН ХАРААТ БУС БАЙДЛЫГ ХАМГААЛАХ ХЭЛТЭС

 
ГЭР БҮЛИЙН ХҮЧИРХИЙЛЛИЙН ЭСРЭГ СУРГАЛТ ҮРГЭЛЖИЛЖ БАЙНА PDF  | Print |  E-mail
Thursday, 09 November 2017 08:34

Олон улсын хөгжлийнэрх зүйн байгууллага (IDLO, Италийн Ром хотноо төвтэй Засгийн газар хоорондын байгууллага) нь АНУ-ын Төрийн департаментийн дэргэдэх Мансууруулах бодис, хууль хэрэгжилтийн асуудал эрхэлсэн олон улсын товчооны дэмжлэгтэй "Монгол Улсад гэр бүлийн хүчирхийлэлтэй тэмцэх ажиллагааг бэхжүүлэх: уялдаа холбоог сайжруулах, хэрэгжилтэд мониторинг хийх, шүүх засаглалын үйлчилгээний хүртээмжийг нэмэгдүүлэх” төслийг 2017-2018 онд хэрэгжүүлж байна.

 

Төслийн хүрээнд "ГБХ-тэй тэмцэх чиглэлээр хууль сахиулах, шүүх эрх мэдлийн байгууллагуудын ажилтныг чадавхижуулах сургалт”-ыг 21 аймгийн алба хаагчдыг хамруулан зохион байгуулж байна. 2017 оны 10 дугаар сарын 30-аас 11 дүгээр сарын 23-ны өдрүүдэд Говьсүмбэр, Дорноговь, Өмнөгөвь, Дундговь аймгийн 130-аад алба хаагч оролцож байна. Үүнд цагдаа, прокурор, шийдвэр гүйцэтгэх байгууллагын ажилтан, өмгөөлөгч, улсын өмгөөлөгч, Гэр бүл, хүүхэд, залуучуудын газар болон ХЗДХЯ-ны дэргэдэх Гэмт хэргээс урьдчилан сэргийлэх зөвлөлийн орон нутаг дахь төлөөлөл болон тус аймгуудын эрүүгийн хэргийн анхан болон давж заалдах шатны шүүхийн шүүгчид зэрэг бүрэлдэхүүнтэй салбар хоорондын уялдаа холбоог хангах зорилгоор суралцаж байна.

Read more...
 
Орхон аймаг дахь Шүүхийн тамгын газар мэдээлж байна PDF  | Print |  E-mail
Monday, 06 November 2017 17:07

Орхон аймаг дахь Шүүхийн тамгын газраас 2017 оны 11 дүгээр сарын 06-ны өдрийн 10.00-16.00 цагийн хооронд өөрийн байрандаа "Шүүхийн архивын нээлттэй хаалганы өдөрлөг” –ийг зохион байгууллаа.

Уг өдөрлөгийг Монгол Улсад Орчин цагийн архивын салбар үүсч хөгжсөний 90 жилийн ойн хүрээнд Архивын ерөнхий газраас "Орчин цагийн төрийн архив-90 жил” нээлттэй хаалганы өдөрлөгийг орон даяар зохион байгуулж буйтай холбогдуулан явуулсан юм.

Өдөрлөгийн үеэрОрхон аймаг дахь шүүхийн тамгын газрын архивын үйл ажиллагааг иргэд олон нийтэд сурталчлан, архивын үйлчилгээг иргэд олон нийтэд үнэ төлбөргүйгээр үзүүлж, архиваарүйлчлүүлсэн иргэдээс санал асуулга авсан бөгөөд нийтдээ 12 иргэнд дээрх үйлчилгээг үзүүллээ

 


Page 4 of 313
free pokereverest poker revie

Иргэдийн төлөөлөгч нарт

Шүүхийн шийдвэрийн сан

Хэн онлайн байна

We have 62 guests online

Жиргээнд нэгдээрэй

Хуанли

December 2017
SMTWTFS
12
3456789
10111213141516
17181920212223
24252627282930
31

Статистик

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterӨнөөдөр204
mod_vvisit_counterӨчигдөр966
mod_vvisit_counterЭнэ долоо хоногт1980
mod_vvisit_counterӨнгөрсөн долоо хоногт7343
mod_vvisit_counterЭнэ сард11215
mod_vvisit_counterӨнгөрсөн сард33306
mod_vvisit_counterБүгд1466299

We have: 62 guests online
Таны IP: 54.221.136.62
 , 
Өнөөдөр: Dec 12, 2017

facebook-д нэгдэх

Шүүхүүдийн харьяалах газар нутаг