Зарим шүүхийн тамгын газарт хяналт-шинжилгээ хийлээ
Шүүхийн ерөнхий зөвлөлийн гишүүн Д.Эрдэнэчулуунаар ахлуулсан ажлын хэсэг аравдугаар сарын 21-22-нд Говьсүмбэр аймаг дахь шүүхийн тамгын газар, 22-23-нд Дорноговь аймаг дахь шүүхийн тамгын газарт хяналт-шинжилгээ хийлээ.
Шүүхийн ерөнхий зөвлөлийн даргын 2019 оны 119 дугаар тушаалаар баталсан удирдамжийн дагуу шүүхийн захиргааны үйл ажиллагааг удирдах, шүүгчийн хараат бус байдлыг хангаж, хамгаалах болон шүүхийн хүний нөөцийг удирдах, төсөв санхүү, дэд бүтцийг удирдах, нээлттэй байдлыг хангах, олон нийттэй харилцах чиглэлээр ажлын хэсэг хяналт-шинжилгээ хийж, мэргэжил арга зүйн туслалцаа үзүүлсэн юм.
Ажлын хэсэгт Шүүхийн захиргааны удирдлага, бодлого зохицуулалтын газрын дарга Ж.Сайнхишиг, тус газрын ахлах референт Б.Оюунгэрэл, Хэргийн хөдөлгөөний удирдлагын хэлтсийн дарга Ш.Одгэрэл, Захиргааны хэргийн хөдөлгөөн хариуцсан референт А.Ганзориг, Шүүхийн хүний нөөцийн удирдлага, бодлого зохицуулалтын газрын референт Ж.Өнөрбаяр, Барилгын ашиглалт, инженерийн шугам хариуцсан менежер А.Нармандах, Мэдээллийн технологийн инженер Э.Лхагва-Очир нар багтлаа.
Уг ажлын хэсэг Хэнтий аймгийн Бор-Өндөр сум дахь шүүхийн тамгын газар, Дорноговь аймгийн Замын-Үүд сум дахь Сум дундын шүүхийн тамгын газарт мөн ажиллах юм.
Хайлт
Мэдээ, мэдээлэл
Фэйсбүүк
Цаг агаар
Статистик
2020-03-16-ний өдрөөс хойш.
- 1 Онлайн
- 6 Өнөөдөр
- 41 Өчигдөр
- 291 Долоо хоногт
- 1862 Сүүлийн сард
- 82051 Нийт хандалт