Төрийн жинхэнэ албан хаагчийн тангараг өргөх ёслолын ажиллагаа боллоо
2026-04-12 | 216
Монгол Улсын Ерөнхийлөгчийн 2024 оны 84 дүгээр зарлигаар батлагдсан "Төрийн жинхэнэ албан хаагчийн тангараг өргөх ёслолын журам"-ын дагуу Шүүхийн Тамгын газрын нийт 116 захиргааны ажилтан өнөөдөр (2025.07.07) Төрийн жинхэнэ албан хаагчийн тангараг өргөлөө.
Ёслолын ажиллагаанд Орхон аймаг дахь шүүхийн Тамгын газрын хэргийн хөдөлгөөний удирдлагын хэлтсийн Шүүх хуралдааны нарийн бичгийн дарга М.Энхтуяа, О.Орхонсэлэнгэ нар нь цахимаар оролцон Эх орон, ард түмнийхээ төлөө эрдэм чадлаа зориулж, Монгол Улсын хууль, ёс зүйн хэмжээг чанд сахиж, үндэсний язгуур ашиг сонирхолд захирагдан албан үүргээ үнэнч шударгаар биелүүлэхээ тангараглав.
Төрийн сүлдэндээ мөргөн, тангарагаа өргөсөн шүүхийн захиргааны ажилтан нарт Шүүхийн ерөнхий зөвлөлийн Гүйцэтгэх нарийн бичгийн дарга Б.Эрдэнэтулга болон Төрийн албаны зөвлөлийн Шүүхийн ерөнхий зөвлөлийн дэргэдэх салбар зөвлөлийн гишүүд баяр хүргэн, ажилд нь амжилт хүслээ. Тангараг өргөсөн нийт албан хаагчиддаа сайн сайхан бүхнийг хүсэн ерөөе.
Орхон аймаг дахь Шүүхийн тамгын газар