Орхон аймгийн Эрүүгийн хэргийн давж заалдах шатны шүүх

Булган аймгийн анхан шатны болон давж заалдах шатны шүүхүүдээс зохион байгуулсан Төвийн бүсийн шүүхүүдийн шүүгч ажилтнуудын бага олимп боллоо.

Төвийн бүсийн шүүхүүдийн шүүгч ажилтнуудын бага олимп 2019 оны 06 дугаар сарын 07,08-ны өдрүүдэд Булган аймгийн Булган суманд зохион байгуулагдаж Орхон аймгийн шүүгчид, шүүхийн ажилтнууд баг хамт олноороо өндөр амжилт гаргаж оролцлоо.

Уг тэмцээнд Дархан-Уул, Сэлэнгэ, Хөвсгөл, Булган, Орхон аймгийн шүүхүүдийн баг, тамирчид шатар, теннис,сагсан бөмбөг, гар бөмбөг, гүйлт гэсэн спортын  5 төрлөөр хурд, хүч, авхаалж самбаагаа сорин оролцсон бөгөөд Орхон аймгийн шүүгч, шүүхийн ажилтнуудын баг тамирчид дараах амжилтыг үзүүлж шилжин явах цомын эзэн боллоо.

1. Сагсан бөмбөгийн тэмцээн /эрэгтэй баг/-1 дүгээр байр, алтан медаль;
2. Сагсан бөмбөгийн тэмцээн /эмэгтэй баг/-1 дүгээр байр, алтан медаль;
3. Гар бөмбөгийн тэмцээн /эрэгтэй баг/- 2 дугаар байр, мөнгөн медаль;
4. Гар бөмбөгийн тэмцээн /эмэгтэй баг/-1 дүгээр байр, алтан медаль;
5. Гүйлтийн тэмцээн /эрэгтэй ганцаарчилсан/- 1 дүгээр байр,алтан медаль;
6. Гүйлтийн тэмцээн /эмэгтэй ганцаарчилсан /-2 дугаар байр, мөнгөн медаль;
7. Төвийн бүсийн шүүхүүдийн нарийн бичиг нарын дундах ур чадварын тэмцээн- 1 дүгээр байр, алтан медаль.
8. Сагсан бөмбөгийн тэмцээний шилдэг довтлогч;
9. Сагсан бөмбөгийн тэмцээний шилдэг холбон тоглогч;
10. Гар бөмбөгийн тэмцээний шилдэг холбон тоглогч;
11. Гар бөмбөгийн тэмцээний шилдэг довтлогч.