Мэндчилгээ
Манай шүүхийн хамт олон Монгол улсын Үндсэн хууль, түүнд нийцүүлэн гаргасан эрүүгийн болон бусад хууль тогтоомжийн хүрээнд Монгол улсын тусгаар тогтнол, бүрэн эрхт байдал, Үндсэн хуульт байгууллыг хамгаалах, хүний эрх, эрх чөлөөг хамгаалах, зөрчигдсөн эрхийг сэргээн тогтоох, хууль дээдлэх, шударга ёс, ардчилсан ёсыг бэхжүүлэх үүргээ бие даасан, хараат бусаар хэрэгжүүлэн ажиллаж байна. Бид Монгол улсад хэрэгжүүлж буй шүүхийн шинэтгэлийн хүрээнд шүүхийн үйл ажиллагааг иргэд, олон нийтэд нээлттэй, ил тодоор, шуурхай, хүртээмжтэй хүргэх талаар идэвхийлэн ажиллаж байгаа бөгөөд шүүхийн үйл ажиллагаа, шүүхээс гаргаж буй шийдвэрүүдийг олон нийтэд нээлттэй, хурдан шуурхай хүргэх зорилгоор Орхон аймгийн Эрүүгийн хэргийн давж заалдах шатны шүүхийн веб сайтыг бэлтгэн та бүхэндээ танилцуулж байгааг хүлээн авна уу.
Мэдээллийн технологийн хурдацтай хөгжлийн эрин үед та бүхэн шүүхийн маань веб сайтад хүссэн үедээ орж хэрэгцээтэй мэдээллээ авах боломжийг бид бүрдүүлж, та бүхэнтэй хамтран ажиллах хүсэл эрмэлзлээр дүүрэн байна. Монгол орны өнцөг булан бүрээс бидэнтэй хамтран ажиллаж манай шүүхийн үйл ажиллагаатай танилцаж санал бодлоо чөлөөтэй солилцож байх эрхэм та бүхэндээ амьдралын хамгийн сайхан бүхнийг хүсэн ерөөе. Та бүхний ажил үйлс өөдрөг байх болтугай.
ОРХОН АЙМГИЙН ЭРҮҮГИЙН ХЭРГИЙН ДАВЖ ЗААЛДАХ
ШАТНЫ ШҮҮХИЙН ЕРӨНХИЙ ШҮҮГЧ З.ХОСБАЯР
