Орхон аймгийн Эрүүгийн хэргийн давж заалдах шатны шүүх

Шүүхийн Ерөнхий зөвлөл, Азийн сангийн хамтран зохион байгуулж буй “Шүүгчийн ёс зүйн сургалт”-ын Орхон аймаг дахь V бүсийн сургалт өнөөдөр (2018.10.24) эхэллээ.

V бүсийн сургалтыг Шүүхийн судалгаа мэдээлэл, сургалтын хүрээлэнгийн Шүүхийн мэдээлэл хариуцсан ахлах референт С.Билгүүн ахлагчтай, Захиргааны хэргийн давж заалдах шатны шүүхийн шүүгч О.Номуулин, Сүхбаатар дүүргийн Иргэний хэргийн анхан шатны шүүхийн шүүгч Д.Нямбазар, Шүүхийн ёс зүйн хорооны Ажлын албаны дарга Н.Ганбаатар нарын бүрэлдэхүүнтэй сургагч багш нар удирдан явуулж Орхон, Булган, Хөвсгөл аймаг дахь анхан болон давж заалдах шатны шүүхийн шүүгчид оролцож байна. 

Тус сургалтаар шүүгчийн ёс зүйн талаарх мэдлэгийг гүнзгийрүүлж, шүүгчийн ёс зүйг сахих, ёс зүйн зөрчлөөс урьдчилан сэргийлэх мэдлэг, чадвар, хандлага төлөвшүүлэх зорилгоор зохион байгуулж байна.

Орхон аймаг дахь Шүүхийн тамгын газар