Орхон аймгийн Эрүүгийн хэргийн давж заалдах шатны шүүх

Монгол Улсын Ерөнхийлөгчийн 2022 оны 10 дугаар сарын 25-ны өдрийн 195 дугаар зарлигаар Орхон аймаг дахь сум дундын эрүүгийн хэргийн анхан шатны шүүхийн шүүгчээр Д.Орхонтамир томилогдож, “Шүүгчийн тангараг” өргөх ёслолын ажиллагааг 2022 оны 11 дүгээр сарын 03-ны өдөр зохион байгууллаа.

Уг арга хэмжээг Орхон аймаг дахь шүүхийн Тамгын газрын дарга М.Ганчулуун удирдан зохион байгуулж, Монгол Улсын Ерөнхийлөгчийн зарлигыг уншиж сонордуулан, шүүгчээр томилогдсон Д.Орхонтамирыг танилцуулж, “Шүүгчийн тангараг” өргүүлэв. Шүүгчийн тангараг өргөх ёслолын ажиллагаанд анхан болон давж заалдах шатны шүүхүүдийн ерөнхий шүүгч, шүүгчид, шүүхийн тамгын газрын албан хаагчид, гэр бүлийн гишүүд, иргэдийн төлөөлөл оролцож, тангараг өргөсөн шүүгч Д.Орхонтамирт хамт олон, гэр бүлийн зүгээс баяр хүргэж, цаашдын ажилд нь амжилт хүслээ.

Орхон аймаг дахь шүүхийн тамгын газар