Орхон аймгийн Эрүүгийн хэргийн давж заалдах шатны шүүх

        Сэлэнгэ аймгийн Мандал сум дахь сум дундын шүүх байгуулагдсаны 60 жилийн ойг тохиолдуулан Төвийн бүсийн шүүхүүдийн 4 төрөлт спортын тэмцээн 2023 оны 06 дугаар сарын 9, 10-ны өдрүүдэд зохион байгуулагдлаа.
Энэхүү тэмцээнд Орхон, Булган, Сэлэнгэ, Сэлэнгэ-Хөтөл, Сэлэнгэ-Зүүнхараа, Дархан-Уул аймгуудын шүүхүүдийн  баг тамирчид дартс, ширээний теннис, гар бөмбөг, сагсан бөмбөг гэсэн спортын 4 төрлөөр ур чадвар, авхаалж самбаагаа сорин өрсөлдөж,
Дартс төрөлд Орхон аймаг дахь сум дундын Эрүүгийн хэргийн анхан шатны шүүхийн шүүгч Ц.Алтангадас 1-р байр, Орхон аймаг дахь Шүүхийн тамгын газрын үйлчилгээний хэлтсийн шүүх хуралдааны нарийн бичгийн дарга С.Бадмааравдан 2-р байр, ширээний теннис төрөлд Орхон аймаг дахь Шүүхийн тамгын газрын үйлчилгээний хэлтсийн шүүгчийн туслах Д.Оюунбилэг 2-р байр, сагсан бөмбөгийн төрөлд Орхон аймаг дахь Шүүхийн тамгын газрын эрэгтэй, эмэгтэй багууд тус бүр 1-р байр, гар бөмбөгийн төрөлд Орхон аймаг дахь Шүүхийн тамгын газрын эмэгтэй баг 3-р байр тус тус эзэллээ.

Спортын тэмцээнд багийн нийлбэр дүнгээр Орхон аймгийн шүүхийн баг тамирчид тэргүүн байр эзэлж шилжин явах цомын эзэд боллоо.

Тэмцээнд оролцсон нийт баг тамирчиддаа баяр хүргэж, цаашдын ажил, хөдөлмөрт нь өндрөөс өндөр амжилтыг хүсье.

ОРХОН АЙМАГ ДАХЬ ШҮҮҮХИЙН ТАМГЫН ГАЗАР