Орхон аймгийн Эрүүгийн хэргийн давж заалдах шатны шүүх

Эрүү, иргэн, захиргааны хэргийн анхан болон давж заалдах шатны шүүхүүдийн Ерөнхий шүүгчийн бүрэн эрхийн хугацаа дууссан тул 2024 оны 02 дугаар сарын 29-ний өдрөөс 2024 оны 03 дугаар сарын 01-ний өдрүүдэд ээлжит бус шүүгчдийн зөвлөгөөнийг хуралдуулж, Монгол Улсын шүүхийн тухай хуулийн 19 дүгээр зүйлийн 19.2.4 дэх хэсэгт зааснаар ерөнхий шүүгчдийг томиллоо.

Орхон аймгийн эрүүгийн хэргийн давж заалдах шатны шүүхийн Ерөнхий шүүгчээр З.Хосбаяр, Орхон аймгийн Иргэний хэргийн давж заалдах шатны шүүхийн Ерөнхий шүүгчээр Б.Баттөр, Орхон аймаг дахь сум дундын эрүүгийн хэргийн анхан шатны шүүхийн Ерөнхий шүүгчээр Д.Ариунцэцэг, Орхон аймаг дахь сум дундын иргэний хэргийн анхан шатны шүүхийн Ерөнхий шүүгчээр Б.Бямбасүрэн нарыг Монгол Улсын шүүхийн тухай хуулийн 36 дугаар зүйлийн 36.8.-д зааснаар улируулан сонгож томилсон байна.

Шүүгчид дотроосоо олонхийн санал авч, Орхон аймаг дахь Захиргааны хэргийн анхан  шатны шүүхийн шүүхийн Ерөнхий шүүгчээр томилогдсон Пүрэвсүрэнгийн Ууганцэцэгт тус шүүхийн тамга, тэмдгийг гардуулан өглөө.
      Ерөнхий шүүгчээр томилогдсон З.Хосбаяр, Б.Баттөр, Д.Ариунцэцэг, Б.Бямбасүрэн, П.Ууганцэцэг нарт цаашдынх нь ажил хөдөлмөрт өндөр амжилт хүсье.